造人成功？杨幂现身母婴保健院

大陆女星杨幂与刘恺威2014年结婚后，就诞下女儿小糯米，6月小糯米就3岁喇，好多粉丝都关心杨幂会唔会追多个等小糯米有个伴呢？今日就有网友影到杨幂现身南京某母婴保健院，照片所见杨幂戴上口罩及戴帽，全身包到冚，打扮非常隐蔽。该网友就表示，为甚么要去新生儿病区呢？是要给小糯米添个弟弟或妹妹吗？

但其实杨幂与刘恺威两人工作都非常忙碌，长期分隔两地，如果咁样都造人成功，就真系劲喇，不过早前网上曝光了杨幂的替身，同真人有成9.9成似，会唔会其实系替身嚟咋？

婚期未落实　王君馨全心工作做唔停

艺人王君馨（Grace）日前出发沙巴为美酒品牌的周年晚会担任表演嘉宾，她到埗后先于酒店露台对住无敌大海景拍片练歌，其后又盛装打扮于晚会上献唱晒歌喉。问到她今次酬劳是否满意？Grace直言喜获“开心价”：“酬劳ok满意，我唱咗5首歌，系开心嘅价钱。我事前唔知有间靓酒店住，如果一早知，我就唔介意留多几日。”

她于活动后又与大班同事品尝当地美食：“做完嘢有同事带我哋去食当地好出名嘅海鲜同烧鸡翼，好好食！”Grace与男友订婚后一直未定婚期，她笑言近日先全心投入工作：“今日唱完听朝就走，我之后要去澳门唱歌，几日后再拍广告。”

【方媛接旨】郭富城自爆Plan紧开枝散叶

天王郭富城（Aaron）一向热爱赛车，今日城城创立“富盛车队”出战FRD LMP3（原型车）“极级先锋系列赛”，并罗致法籍赛车手Olivier Lombard任首席车手，近日齐齐现身珠海国际赛车场出席车队成立发布会，为出赛的LMP3战车主持揭募仪式。

荣升车队老板的城城西装毕挺打扮，未有以战车造型出现，问到有份投资车队？城城表示：“有投资！（投资几多？）投资晒落去喇！组车队系自己梦想，自己都一直想实现，亦会选拔新嘅车手。（要有咩条件，好似你咁靓仔？）今次Olivier系法国人好浪漫，吸引唔少女车迷，佢又靓仔又有潜质，揸车又快。”何时亲自落场？城城谓：“迁就到档期都会，但会以工作行先，不过我又系车队老板，精神、力量都会赋予畀车队，我自己都想落场，作为车队老板可以提升技术，参与埋一份都算系赚咗。”

亲自试过LMP3战车未？城城谓：“至今都未有机会试，首场赛事5月中举行，希望5月初试到车。”艺人林志颖（小志）都有车队落场比试？城城坦言很期待，之前拍内地真人骚节目《我们十七岁》成为好朋友，坦言：“我嘅技术唔够小志好，都要向佢请教，相信同场都会有较量，但自己技术冇佢咁好，会传短讯畀佢叫佢揸慢啲先。”至于车队命名为“富盛”是否意味想开枝散叶？城城哈哈大笑：“其实个‘盛’字系当年爸爸金铺其中一个字，想记念爸爸，有传承之意，去培育新一代车手，咁开枝散叶都系好重要，都有少少Plan嘅。”问到《风云5D音乐剧》日前各演员的造型曝光，城城可留意郑嘉颖的步惊云造型？城城笑问：“乜步惊云有好多个造型咩？我未睇呀，不过，天华同谭耀文都系好朋友，祝佢哋舞台剧成功。”

陈浩民等无线召唤回巢拍剧

艺人陈浩民与太太蒋丽莎一家人出席电影舞蹈工作坊表演暨《美女与野兽》电影观赏会。谈到张卫健返无线拍剧，问到他何时回巢？浩民坦言：“我一直都话返去，佢哋有搵过我，只系时间夹唔到，我随时等佢哋召唤。”对于是日活动，浩民表示以家长身份出席，更指没有收取酬劳，更谓：“难得畀机会个女上台表演，仲收人钱？多谢都喛唔切啦！”

对于该片被指有同性恋情节，有学校更发信给家长要求罢睇该片，浩民表示没有收到，他谓：“我哋都睇咗套戏，可能我鉴赏力低，睇唔到暗示嘅情节。（会唔会教小朋友两性关系？）依家未到时候，迟啲先，不过如果知套戏有呢方面情节就唔会畀小朋友睇，唔紧要啦！佢哋都瞓咗半场，可能跳过咗啲暗示，喺一个好舒服环境瞓觉，我就好开心第一次唔使拖佢哋离场。（点解咁抗拒畀佢哋睇有关同性恋戏？）多一事不如少一事，免得麻烦。”

天籁！林忆莲《歌手》翻唱王菲经典广东歌

最新播出一集内地歌唱节目《歌手》，观众嘅焦点又落喺天后林忆莲身上，原因系忆莲喺节目上，首次演唱广东歌，仲要系另一天后王菲嘅经典歌《多得他》，片段上载咗去《歌手》嘅官方Facebook，只系15个钟已经有超过三十万点击率，仲未计其他渠道收睇嘅人数，数字十分惊人。

片段中忆莲以天籁之声，唱出全新版本嘅《多得他》，为佢伴奏嘅人都非常不得了，除咗忆莲好友伦永亮弹钢琴之外，仲有男友恭硕良为佢打鼓，整个演出非常完美无瑕，听到现场观众如痴如醉，就连同场参与嘅歌手彭佳慧都感动落泪。网民睇完片段后都纷纷留言力赞忆莲嘅超水准表现系“殿堂级的歌声！”、“我心中最爱的粤语歌之一，终于等到我最爱的女歌神重新演绎，用经典再创经典，只有林忆莲”。亦有网民大食花生，以两位天后嘅表现做大对决，不过部分网民就唔多同意用两位天后嚟比较，其实忆莲同王菲一早喺1994年合唱过同一首歌，咁多版本大家又锺意边个版本多啲呢？

袁伟豪孖烟囱晒肌　宣萱煞科有花收

近日为无线新剧《使徒行者2》赶工的女星宣萱，昨日在微博“放闪”说有花收！她上载和一众台前幕后的合照，当中包括无线小生花旦袁伟豪及黄翠如等，袁伟豪在其中一张照片中只穿孖烟囱并赤膊上阵！

宣萱留言指终于拍摄完成并感到十分不舍，写道：“终于杀青了！但不舍，因为一班很好的台前幕后同事，真心希望再有机会合作。从未试过有花收，感谢超专业的TR梳化团队！爱你们！”网民指非常期待宣萱的演出外，更赞她为人亲民，跟台前幕后包括黄翠如等后辈打成一片，又赞宣萱与翠如一样青春，全冇颜值距离。

☞转载授权微信：lama129

☞ 商务QQ：1900556960

☞投稿邮箱：tghkchannel@163.com